फग्गु सेन्दरा

     फग्गु पइरी बीरी अगुवस डमुवन ठोकअर बअदस का गुचा हरो फग्गु सेन्दरा। डमुवा गहि सड़न मेनर पद्दा ता जो-ख़र का पचगिर तंगआ-तंगआ कमहड़न तेयार नना हेलेरनर। ने गा बल्लुन चकओर ने गा जल्लिन तेरेम-रेसेम ननोर ने ढइमसा कमओर ने गा अल्लन गुतरे-गुतरे बअर मे-ख़ोर । होरमर सपड़ारअर ओन्द अड्डा पद्दा कूटी उरखर जुमा मनोर। ओहरे असन अल्ला गहि हउकार नखेरना! जोक्क अल्ला गा नन्नतरा भोंग्गो गे मनो होले अदिन अदि गहि उरबस डोर ती जो-ड़अर नतगनूतिम सेन्दरा होओस। टोड़ग अंड़सनर होले टोड़ंग कूटीतिम धइरे-धइर नंज्जा गे सरियारनर की ओंद कूटी तिम नंज्जा हेलेरनर। अत्तरा जल्ली आबोर एका तरा घरियअना र'ई अत्तरा जल्लिन इचओर की ताम अटा ओक्कर माक गहि बरनन ए-रोर। ने-खअय मुन्धवारेतिम खेरहा, कोटरा मलता इन्दरइम टोड़ंग किंको चों-चा होले आस गूल ननोस का एरके हरो एरके हरो माक काला लगी होले होरमा नंज्जू आलर लवआ गे तेयार मन्नर कानर। ने-खय तरा कालो आसिम लवआ गे तुकओस लवआ उंग्गियस होले गा कोड़ेम मला होले आस गहि चलाबाचका लेबदा ढइमसा का कन्ना दिम आलारिन हूँ लग्गा उँग्गी मलता किंको मंइय्या गा सेन्दरा केरका अल्ला हूँ टुटुरई, तो, आ अल्लन हूँ लग्गा उँग्गी। एन्ने ती किंको मल लवरा होले अदिन छेकनुम घरियअनुम जल्ली तरा होओर। तब आद एकअम जल्ली नू बझिर'ई काली। जल्ली नू बज्जझरा होले असता अटा उक्का आलस अदिन पसअर की पिटोस दरा जल्ली ती ओथोरअर जल्लिन फिन इचओस चिओस। इसन ओंटा कत्था एन्ने र'ई का माकन ने पसओ गे माक गहि ओंटा चटुवन (ओंटा गोट्टा ख़ेड्ड) कदही चिअनर।अगर जल्ली नू बज्जझरा होले जल्ली उरबस गे मलता अल्ला धरअर पिटिया होले अल्ला उरबस गे चिअनर। अवंगेम माकन का किंकोन पसआ गे अपटा मन्नर एन्ने ती अकलक हूँ मनी काली। अवंगेय ओन्टा डंड्डी हूँ पाड़िकर रअनर: - 
       सेन्दरा कादय भइया करेगा कादय
       मजही-मजही भइया अमके मना
              चियाँरी दिम लग्गो भइया ढइमसा लग्गो
               मजही-मजही भइया अमके मना
       बन्डा अल्लन होओय दरा लिहा-लिहा बओय
        मजही-मजही भइया अमके मना।
     सेन्दरा बीचका ख़ोंख़ा पुत्तना बेड़ा नू ओंद अड्डा होरमर ख़ों-ड़ोरनर । असन होरमा आलर गनरनर का एवंदा झना आलर रअनर ए-ठो जल्ली र'ई अरा एवं गोटंग अल्ला र'ई । पद्दा किर्रर ओंद अड्डा हुरमी माकन मो-चनर कमनर दरा अहड़न हिसा-बखरा नन्नर अरा पोट्टन असानुम इड़नर दरा मो-ख़नर । होरमर गे बराबरी बखरा बनी अइय्या अल्ला अरा जल्ली गे हूँ बराबरी बखरा ख़क्खरई।

Comments

Post a Comment

Popular posts from this blog

13.भरियस अरा लकड़ा

     बिड़ना उल्ला रहचा। लकड़ा गे अम्म ओनका लगिया। आद कूबी गुसन अम्म ओना केरा दरा इन्दिरा (कूबी)नू खत्तरा केरा। ओन्टा भरियस कूबी ती अम्म निन्दआ लगियस। लकड़ा आस गुसन ओहरा - बिन्ती नंज्जा दरा बाचा भरिया नीन एंगन निंग्हय झूड़ी (भार) तुरु ओथरआ चिआ झुड़िन कूबी नू एत्ताचस। लकड़ा झुड़ी नू उक्किय्या ख़ने आस झूड़ीन नतगियस दरा ओथरस। लकड़ा कूल कीड़ा सारकी रहचा। मइय्या उरखा दरा आद आ भरियासिन मोख़ा बिद्दिया। ख़ने आस आनियस एन निंगन इन्दीरा ती ओथरकन। नेक-धर्म गहि इदिम खंज्जपा तली'ई?       आर नेवई ननागे अड्डोन पंच उय्यर। अड्डो ब:आ हेल्लरा,ईसीन्न मो:खाय चि:अय। आलर एमन अगम ससाइत चिअनर। एमन लदनी कमनर। मला होले उगता पगसीन नतगताअनर। आर कोल्हू नू हूँ नाड़नर। अदि ख़ोख़ा आर टटख़ा मन्नन पंच उय्यर। टटख़ा मन्न ब:ई ईसीन मो:खाय। आलर एंग्ग मइय्या अकय धिंगी नननर। एकाबीरी एंग्है खंजपा मनी आबीरिम ती लेबदा - लाठी नननर। पनोन आबीरी हूँ चोख़नर मो:खनर।       ख़ोख़ा नू सिरू पांडे सिन पंच कमचर। आस आनियस एन्देर कत्था र'ई ? तेंग्गोर होले जुनू नेवई ननोन। आर तंम्है - तंम्है कत्थन ओ...
Read more

अंधरा-अंधरी राजा रानी

     ओन्टा राजीनू अंधरा-अंधरी राजा रानी रहचर। आर अकय मोडोल (धनी किसिम) रहचर। ईर गहि ओन्टा इकला राजकुमारी मंज्जा। आद अगम सुन्दरही रहचा। राजास ईदीन बेंज्जा गे जोड़ी कुक्कोसिन बेद्दा-कुद्दा लगियस। आस गहि घोखनाभेसे कुक्कोर मल ख़खरा लगिया। कुक्कोस गे कुकोयन मोडोल (धनी भेसेम)एड़पा नू बीसा बेद्दा लगियस। कुक्कोस गे कुकोय लेखअम हूंँ। सुन्दर मन्ना रहचा। आस गोटा राजीनू कूद्दा-कूद्दा हारचस पहें तंग्हय घोख अरा तंग्हय कुकोय लेक्खा कुक्कोस सिन बेद्दा पोलस। हईर-गुइन के आस कुकोयनुम जोड़ी बेद्दा गे अम्बियस चिच्चस। कुकोय परदकी काला लगिया। इदीन बेंज्जना हूँ चाड़ रहचा ।      तम्बस घी बअचकन ती राजकुमारी तंग्हय जोड़ी-पाँति बेद्दा गे एड़पानती उरखा केरा। आद कुक्कोसिन बेद्दा-कुद्दा लगिया पहें आद हूँ पोल्ला बेद्दा। कुद्दनूम कुद्दनुम अदि गहि भेंट ओन्टा एड़ा ख़ापू कुक्कोस गने मंज्जा। आस अकय दु:ख (गरीब घर) एड़पानतस रहचस। कुक्कोस एड़ागे डहुड़ा खंड़ा मन्न मइय्या आरगियस। मन्नन ती एत्तो बीरी आस खतरस केरस। खतरकन ती ख़ेड्ड मुरकारा केरा। आस ए-का पोल्ला हेलरस। राजा बेटी आस गहि खतरकन ईरिया। अदि ...
Read more

नागिन परी

     ओन्टा ढेर कोहा राजी रहचा। अइय्यनता राजास अगम दव आलस रहचस। आस तंग्हय आलर गे होरमी बारी दव-दव कत्थन घोखआ लगियस। आस गहि दू झन कुक्कोर-राजकुमार रहचर। कोहस गहि नामे जीत सिंह अरा सन्नीस गहि नामे गन्दूर सिंह रहचा। सन्नी सिन चोन्हा तुरू लल्लू बबू आना लगियर। ओगहोन हेद्देनता राजास ईर गहि राजीन बचागे आक्रमन नज्जस चिच्चस।ईर हारचर केरर कोहा तंगदासिन धरअर हरि-बिरी (हथकड़ी) अत्ताअर जेहेल नू सज्जर चिच्चर। सन्नी राजकुमारसिन होअर भीतरे ता लात्ता ती राजास रानी संग्गेम उरखस दरा ओन्टा अंज-खंज टोंड़ग नू नूख़रस दरा परता गहि चपाइल (गुफा) नू बासा नंज्जस।      उन्दुल राजकुमारस माख़ा बीरी  ओन्टा मुक्का गहि चींखनन मेंज्जस। आस तंग्गियो तंम्बस ती मेनर तीर कानन होअर एका तरते चींख़ना मेन्दरा लगिया अतरम केरस की एरदस ओन्टा नागिन चपाइल नू अरबरकी थी । अदि गहि आलर भेसे चीखनन मेंज्जस दरा अकबकरस केरस।  आस मेंज्जस नीन आलर लेक्खे एकासे कच्छनखरा लगदी? ख़ने चींख़नुम तिग्गया। एन मेखानता परी हिकेन। तनि-मनी गलती मंज्जा अवंगे देवतर एंग्गन स्राप(श्राप)चिच्चर।एन इसते काला लकिन आबीरिम स्राप ...
Read more